San Pelaio

Datu orokorrak:

Izena:

San Pelaio

Kronologia:

XIX. mendea

Mota:

Baseliza

Eraikin zaharrago bat ere existitu zen; haren erreferentzia zaharrena 1526ko dokumentuetan jaso da, eta berriena 1763. urtean. XIX. mendearen erdialdera eraitsi zuten, eta eliza zaharreko lekutik gertu beste tenplu bat eraikitzea erabaki zuten. Lanak 1844. urtean hasi ziren, baina geratu egin ziren, diru-faltagatik. 1850. urtean, Narroseko Markesak beharrezko dirua eskaini zuen eta, ondorioz, alboko kapera bat Markesari eskaini zitzaion.
Eraikina J.J. Belaunzak altxatu zuen 1850. urtean. Nabe bakarreko gurutze latindar oina du. Sarrera mendebalderantz orientatuta dago, eta estilo neoklasikokoa da. Frontoiari eusten dioten lau koloma doriko ditu.
1979. urtean berritu zuen Xabier Egañak, eta barrua berriz apaindu zuen, horma-irudi piktoriko-eskultoriko batez. Erdiko eskultura Tomas Murua artistak egin zuen. Horrez gain, barruan Hilario Zabaletaren XVII. mendeko irudiak daude; bata Santuarena, eta bestea Aingeru Guardakoarena. Beste bi zinopari marinel ere existitu ziren, baina biak erretiratu ziren.
Ermita hori bisitatzera prozesioan joateko ohitura zegoen San Fernando egunean (maiatzak 30), San Juan bezperan (ekainak 23) eta San Pelaio egunean (ekainak 26). Gaur egun, San Pelaio jaia ospatzen da.