Santa Klara komentua

Datu orokorrak:

Izena:

Santa Klara komentua

Kronologia:

XVII. mendea

Mota:

Komentua

Komentu-multzo hori (eliza, komentua eta baratzak) hesiz kanpo kokatuta zegoen hasieran. Zarauz Ganbotar Maria Ana andreak sortu zuen XVII. mendearen hasieran, eta bi alabekin sartu zen komentuan. Hura eraiki arte, Lermatik etorritako mojak Narrosen egon ziren, Zarauz Ganboatar andrearen jauregian. Narros jauregian kokatu zen, hain justu, Gipuzkoan sortu zen Klaratarren lehenengo komentua.

1794. urtean, frantsesek hondatu egin zuten, eta, horrenbestez, 1985ean, komentua zaharberritu zuten. Diseinu zorrotzeko eraikuntza da, eta luxurik gabeko materialekin egina. Gainera, fatxadetan ikus daiteke garrantzi gehiago eman zitzaiola hormari baoei baino. Beraz, eraikin frantziskotarrek duten luxurik gabeko sinpletasuna islatzen du. Gelak patioaren inguruan daude banatuta. Eliza Miguel Esnaolakoak eraiki zuen 1656an, eta Barrokoaren hasierako garaikoa da. Kanpaiak jartzeko hiru hutsuneko kanpai-hormak daude fatxadan, eta, sarreraren gainean, horma-hobi bat ageri da, Santuaren irudia barnean duena. Sarrerak gurutze latindar oina du, eta abside oktogonala. Barrualdean, egur polikromatuz eginiko XVIII. mendeko erretaula ikus daiteke, Santa Klarari eskainia. Haren inguruan, Ama Birjinaren, Santa Anaren eta San Joseren irudiak daude.